Алматыдағы қонақ үйлердің бірінен өрт шықты

0
24

Алматыдағы Қожамқұлов көшесінде орналасқан Hotel Plaza Almaty қонақ үйінен өрт шығып, 57 адам эвакуацияланды, деп хабарлайды kznews.kz ақпарат агенттігі. 

Төтенше жағдайлар департаментінде мәлімдегендей, өрт туралы хабар 23:30 шамасында келіп түскен. Өрт қонақ үйдің жертөле қабатындағы саунадан басталған. Ал түтін ғимараттың барлық қабатына тараған.

«Қонақтар барлық терезеден көмек сұрады. Өрт сөндірушілер бірден құтқару жұмыстарын бастап кетті», – делінген хабарламада.

Адамдар үш өрт сөндіру және төрт жылжымалы баспалдақ арқылы эвакуацияланды. Қаза тапқандар жоқ.

Өртті сөндіруге 42 өрт сөндіруші мен 14 бірлік техника жұмылдырылған.