Алматыдағы бақылау-өткізу пунктіндегі жол апаты: жүргізуші 10 жылға сотталуы мүмкін — Қазақстан жаңалықтары

Алматы қалалық колледжінің заңгері Балқыбек Боранов бақылау-өткізу пунктінде екі полиция қызметкерінің қазасына әкеліп соқтырған жол апатына себепші болған қылмыскердің жазасы қандай екенін айтты, деп хабарлайды Stan.kz ақпарат агенттігі. 

«BMW көлігінің жүргізушісі 345-бабының 4-бөлігіне сәйкес, «Жол ережесін бұзу екі немесе одан да көп адамның өмірін қиды» деп, мас күйінде көлік жүргізгені үшін 7 жылдан 10 жылға дейін бас бостандығынан айыру қаупі бар», — деп түсіндірді Балқыбек Боранов.

Адвокаттың айтуынша, полицияның карантин кезінде кезекшілік етуі жазаны ауырлататын жағдай емес.

Еске салайық, 25 мамырда сағат 05:26-да Алматы облысы Қарасай ауданының Көксай ауданында 1992 жылы туған BMW көлігінің жүргізушісі Алматы мен облыстың шекарасында орналасқан бақылау-өткізу пунктінің бетон қоршауына кіріп, содан кейін патрульдік көлікке соғылды, оның салонында екі полиция қызметкері болды.

Полиция қызметкерлерінің бірі, 42 жастағы аға лейтенант Жарас Жанғазиев, 1978 жылы туған, жедел жәрдем келгенге дейін алған жарақаттарынан қайтыс болды. Марқұм Батыс Қазақстан облысының тумасы, 2001 жылдан бастап ішкі істер органдарында қызмет еткен. Үйленген, екі қызы болған.

Екінші полиция қызметкері — полиция сержанты Дастан Әбдіқанов 1994 жылы туған — ауруханада есін жимастан көз жұмды. Ол Алматы қаласының тумасы. Полицияда 2016 жылдан бері қызмет еткен. Үйленген, бір айлық қызы бар.

Мас BMW көлігінің жүргізушісі қамауға алынды. Бұл факті бойынша сотқа дейінгі тергеу басталды.