Алматыда ЖОО оқытушысы қызды соққыға жықты: университет түсініктеме берді

0

Оқиға

Қысқа сілтеме алу

0 0 0

ЖОО мәлімдегендей, бұрын-соңды педагог тәртіпбұзушылыққа бармаған, бірақ осы жайттан кейін жұмыстан шеттетіліпті

НҰР-СҰЛТАН, 1 қыркүйек – Sputnik. Алматыдағы «Тұран» университетінің оқытушысы көшеде кетіп бара жатқан бетайныс қызды ұрып-соқты. Бұл туралы соққыға жығылған қыздың құрбысы әлеуметтік желіде жазған. Жоғарғы оқу орны оқиғаға қатысты түсініктеме беріп, құқық қорғау органдары тергеу жүргізіп жатқанын мәлімдеді.

Қыздың құрбысының әлеуметтік желідегі жазбасына сүйенсек, оқиға 28 тамызда болған. Бойжеткенге көшеде кетіп бара жатқан шымыр денелі жігіт әй-шәй демей тап берген, салдарынан жәбірленушінің тісі сынып, көптеген жарақат алды, сондай-ақ гаджеттері сынып қалған. Ақыры соңында ер адамды оқиға куәгерлері ұстаса керек.

Тағы оқыңыз: Түркістан облысы лагеріндегі шу: оқиғаның неден басталғаны белгілі болды

«Тұран» университетінің баспасөз қызметі мәлімдегендей, оқытушы қазір педагог абыройына нұқсан келтіргені үшін жұмыстан шеттетілген.

«Университетте жұмыс істеп жүрген жылдар ішінде қауіпті іс-әрекетке баруы мүмкін екенін көрсететіндей мінез-құлық көрсеткен емес. Жәбірленуші тез сауығып, моральдық және психологиялық тұрғыдан өз-өзіне келеді деп үміттенеміз», – делінген университеттің ресми Instagram парақшасында.

Оқиғаны құқық қорғау органдары тергеп жатыр, олар Қазақстанның заңнамасына сүйене отырып, құқықбұзушылықтың құқықтық квалификациясын анықтайды, деді ЖОО.

Сондай-ақ университет әкімшілігі ЖОО қызметкерінің әрекетін қарау үшін дисциплинарлық комиссияны шақырған екен.

«Тұран» университеті Қазақстанда 1992 жылдан бері жұмыс істеп келеді. Алматы мен Нұр-Сұлтанда филиалдары бар.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз