Алматыда жер сілкінді

19 қаңтарда Алматы уақыты бойынша 19.27-де қалада жер сілкінді. Бұл туралы Қазақстан білім және ғылым министрлігінің сейсмологиялық тәжірибе-әдістемелік орталығы хабарлады.

Дүмпудің эпицентрі Алматыдан оңтүстікке қарай 370 километрде, Қытай территориясында орналасқан. Энергетикалық класы – 14,1, ал магнитудасы 6.0.

Жерасты дүмпуі Алматыда МSК-64 шкаласымен 3-4 балл болып сезілген.

Төтенше жағдай комитетінің хабарлауынша, зардап шеккендер туралы ақпарат түспеген.