Алматыда митинг өтіп, оған қатысқандар ұсталды

0
1314

Алматыда Шоқан Уәлиханов алаңында қала билігі рұқсат етпеген митинг өтіп, полиция 12 шақты қатысушыны ұстады.

Наразылық акциясын ұйымдастырушы Әйгерім Тілеужанова наразылық білдірушілер ұсталғанға дейін бірнеше минут бұрын әкімдікке митинг туралы хабарлама тапсырғанын, бірақ жазбаша бас тарту келмегенін мәлімдеді.

Алматыда митинг өтіп, оған қатысқандар ұсталды

Оған тек қала әкімшілігінің қызметкері телефон соғып, 24 сәуірде Уәлиханов алаңында концерт пен жәрмеңке өткізу жоспарланғанын айтты.

 

Белсенділер қанды қаңтар оқиғасы кезінде заңсыз сотталған саяси тұтқындарды босатуды талап етті.

Ғылым академиясы ғимаратының алдындағы аумақта наразылық білдірушілермен қатар студенттер де жиналып, дүңгіршектер орнатты. Шерушілерді ұстау кезінде студенттер ламбада биледі.

Бейнежазбада рұқсат етілмеген митингіге қатысқан белсенділердің ұсталған сәті, олардың Бостандық  аудандық ішкі істер бөліміне автозактармен  жеткізілгені көрсетілген. Ұсталғандардың жалпы саны шамамен 12 адам, олардың арасында журналист Данияр Молдабеков те бар.

Рұқсат етілмеген митинг небәрі жарты сағатта аяқталды.