Алматыда күйеуіне ренжіген келіншек бесінші қабаттан секіріп кетті

0
2305

Алматыдағы Жетісу ықшам ауданындағы тұрғын үйдің бесінші қабатынан 26 жастағы әйел секіріп кетті. Құдай сақтап, ол аман қалған. Келіншек бірден ауруханаға жеткізілді, деп хабарлайды kznews.kz сайиы Экспресс К порталына сілтеме жасап.

Қалалық полиция департаментінің мәліметінше, 1995 жылғы Т. есімді келіншек өз-өзіне қол салмақ болған.

«Суицидке бару себебі ерлі-зайыптылар арасындағы ажырасу процесі болуы мүмкін. Абырой болғанда, ол аман қалды. Ауруханаға жеткізілді», — деді қалалық ПД баспасөз қызметі.

Тергеу барысында, сондай-ақ келіншектің шектен тыс дәрі ішіп, уланып өлмекке әрекет жасағаны да белгілі болды.

Қалалық денсаулық сақтау басқармасында келіншектің жағдайы тұрақты, ауыр екенін айтты. Ол №7 ауруханаға жатқызылған.

«Есін біледі. Жағдайы ауыр, бірақ тұрақты. Қарқынды терапия жалғасуда», — деді қалалық денсаулық сақтау басқармасы баспасөз қызметі.

Қылмыстық кодекстің 105-бабы (өзін-өзі өлтіруге дейін жеткізу) бойынша сотқа дейінгі тергеу жүргізілуде.