Алматыда бұзақылар белгілі тележүргізушінің көлігінің айналарын ұрлап алып кетті — Қазақстан жаңалықтары

0

Белгілі тележүргізуші және продюсер Дастан Шымырбайдың көлігінен бұзақылар айнасын шешіп алып кеткен. Бұл туралы Stan.kz тілшісіне мәлім болды. 

Айтуынша, келеңсіз оқиға наурыздың 18-нен 19-на қараған түні орын алған. Алматының Мамыр-3 ықшам ауданында орналасқан үйдің алдына тұраққа қойылған көліктің екі айнасы Kolesa.kz сайтында шамамен 15 мыңнан-260 мыңға дейінгі бағаға сатылып отыр.

Ең қызығы, Дастан көлікті тура күзетші отыратын дүңгіршіктің қасына қойған екен. 

Қазіргі уақытта белгілі тележүргізуші полицияға ұрлық жайында арыз түсірді. 

Дастан Шымырбай — КТК, «31 арнада» ұзақ уақыт жаңалықтар жүргізушісі болды. Қазір Евразия телеарнасының Бас продюсері әрі бірнеше отандық телевизиялық жобалардың авторы. 

stan.kz