Алматыда АИ-92 бензині арзандады: Бозымбаев себебін айтты

0
Экономика

Қысқа сілтеме алу

239 0 0

Бүгін БАҚ беттерінде Алматыда бензин бағасының төмендегені туралы жаңалық шыққан еді

АСТАНА, 22 қаңтар – Sputnik. Энергетика министрі Қанат Бозымбаев Алматыда АИ-92 маркалы бензиннің арзандау себебін түсіндірді, деп хабарлайды Sputnik Қазақстан тілшісі.

«Қазір Қазақстанда бензиннің артылып қалып жатқаны байқалуда. Қаңтардан бері осылай», — деді министр үкімет кулуарында. 

Айтуынша, Шымкенттің мұнай өңдеу зауытында, жалпы елде тауардың артылып, барлық резервуардың толып қалу қаупі туындаған. Сондықтан МӨЗ-дің жүктемесі төмендетілген.

 

Сондай-ақ, Бозымбаев Алматыда жанар-жағармай бағасының төмендеуі – нарық реакциясы екенін атап өтті. 

«Қазіргі таңда бензин бағасы реттелмейді. Шамамен 150 теңге шамасында қалады деп болжап отырмыз», — деді министр. 

Айта кетсек, бүгін бірқатар БАҚ Алматыда бензин арзандағанын хабарлаған еді.


Дереккөз: https://sputniknews.kz/