Алматы жаңалықтары: келіншек күйеуін көлікпен екі рет басып өтті
Полицейлер оқиғаның мән-жайын анықтап жатыр
АЛМАТЫ, 11 мамыр — Sputnik. Алматы қаласы Алатау ауданындағы жеке үйлердің бірінің тұрғыны Mercedes көлігімен өз ауласынан шықпақ болып, күйеуін қағып кетті. Оқиға салдарынан ауыр жарақат алған ер адам ауруханаға жатқызылды.
Жол апаты 10 мамырда кешкі он жарым кезінде болған.
Бастапқы деректерге сүйенсек, «Алтын Алма» бау-бақша бірлестігінде тұратын әйел отбасына тиесілі Mercedes көлігіне мініп, кетпек болыпты.
Оның айтуынша, күйеуіне ешқандай қастық ойламаған, ер адам сол кезде көліктің алдында отырған екен. Келіншек газ бен тежегішті шатастырып алып, алға бір-ақ жүреді, ал отағасы көліктің астында қалыпты.
Алматылық келіншек күйеуі басып кетті
Жағдайды түзеуге тырысқан әйел артқа жүрмек болғанда, тағы да күйеуінің үстінен басып өткен, сол кезде көліктің алдыңғы бампері жұлынып кетеді.
Зардап шегуші өте ауыр жарақат алды, оқиға орнына жеткен жедел жәрдем оны ауруханаға жатқызды.
Апат орнына барған жедел тергеу тобы ер адамды әйелі әдейі қақты ма, жоқ па – анықтауы тиіс.
sputniknews.kz
