Алматы қаласы мен облыс тұрғындарына «Алтын Ордадан» сауда жасауға екі күн уақыт берілді — Қазақстан жаңалықтары

Алматы мен Алматы облысының тұрғындары «Алтын Орда» көтерме сауда базарынан сары және қызыл түсті арнайы рұқсатнама бойынша азық — түлік сатып ала алады, деп хабарлайды Stan.kz ақпарат агенттігі Almaty.tv арнасына сілтеме жасап.

Мұндай уақытша шаралар екі күнге — 21 және 22 наурызда енгізілді.

Оңтүстік астана толығымен оқшауланғанға дейін адамдарда азық-түлік қорын жинауға мүмкіндік бар. Сонымен қатар, базар әкімшілігінде дүрлігуге қарамастан, қажетті азық-түлік тапшылығына жол берілмейтінін мәлімдеді.

«Карантиннің өзін жариялағанға дейін базарда дүрлігу болды, негізінде, біз оны жеңдік. Қосымша жеткізілімдер жүзеге асырылды, сондай-ақ жеткізушілермен қосымша шарттар жасалды, қазір бұл көрсеткіш байқалмайды. Азық-түлік өнімдері бар, қамтамасыз етілген, яғни базар жұмыс істейді», — деді «Алтын Орда» базары директорының орынбасары Жұмадин Патов.

Сондай-ақ, базар әкімшілігі карантин кезінде келушілер саны күрт азайды деп мәлімдеді. Бұл көпшіліктің базардың жұмыс уақыты туралы хабардар болмауына байланысты.

Тоңазытқыш жабдықтарымен жабдықталған қойма үй-жайларында сақталатын азық-түлік қоры жеткілікті. Коронавирустың таралу қаупіне байланысты базар аумағында санитарлық тазалық жүргізіледі.

«Барлық алдын алу шаралары сақталуда. Яғни, әр екі сағат сайын базарда біздің базарымыздың СЭС қызметтері залалсыздандырады, яғни тазалау жұмыстары жүргізіледі, сондай — ақ жалға алушылар қорғаныс бетперде киімдерін пайдаланады, міндетті түрде қолғап, яғни байланыс жоқ», — деп сендірді Патов.