Алматы облысында Lenovo компаниясы директорының денесі табылды

Алматы облысында Lenovo компаниясының GR директоры Ермек Жақыпжановтың денесі табылды. Бұл туралы Kznews.kz ақпарат агенттігі хабарлайды.

Бұл туралы Lider.kz еріктілері хабарлады.

9 қазанда Жақыпжанов Алматы қаласындағы үйінен өзінің қара сұр түсті Hyundai Genesis көлігімен шығып кетіп, қайта оралмаған.

Ермек Жақыпжанов Lenovo компаниясында бір жарым жыл бойы GR директоры (мемлекеттік мекемелермен байланыс жөніндегі маман) қызметін атқарған.

Полиция департаменті ақпаратты растап, қылмыстық іс қозғалғанын мәлімдеді. Полицияның мәліметінше, 24 жастағы күдікті ұсталған.

«Қазір қылмыстың барлық мән-жайы мен себептерін объективті зерттеуге бағытталған. Қажет тергеу әрекеттері жүргізіліп жатыр», – делінген Алматы облыстық полиция департаментінің хабарламасында.

Еске салсақ, бұған дейін Алматыда Lenovo компаниясының директорларының бірі Ермек Жәкіпжановтің жоғалып кеткені туралы жазған едік.