Алматы облысында КамАЗ жолда жатқан адамды басып кетті

Полиция жаяу жүргіншіні қаққан екі жүргізушіні де ізін суытпай ұстады

АЛМАТЫ, 28 қаңтар — Sputnik. Алматы облысында жаяу жүргінші қаза тапқан жол-көлік апатына кінәлілер бірнеше сағаттан соң ұсталды.

Оқиға Алматы — Талдықорған трассасының 189-километрінде 24 қаңтар күні болды.

Полицейлер анықтағандай, алдымен 51 жастағы ер адамды Mercedes Gelandewagen қағып, оқиға орнынан ізін суытқан. Біраз уақыт өткен соң ер адамның мәйітін КамАЗ басып өтеді. Ол да кетіп қалған. Қазір полицейлер жүк көлігінің жүргізушісі жолда жатқан жаяу жүргіншінің денесін көрген-көрмегенін анықтап жатыр.

«Перехват» жоспарын жариялау нәтижесінде жол-патрульдік полициясының инспекторлары жаяу жүргіншіні кезектесіп қағып, оқиға орнынан ізін суытқан екі көлік – Gelandewagen және КамАЗ-дың жүргізушілерін анықтап, ұстады», — деп хабарлады Алматы облысы полициясының баспасөз қызметі.

Облыстық полиция қызметкерлері ҚР ҚК-нің 345-бабы «Абайсызда адам өліміне әкеп соқтырған жол қозғалысы ережелерін бұзу»  бойынша алдын ала тергеуді бастады.

Сонымен қатар, полиция департаменті жол-көлік оқиғасының қатысушыларының бірде-біреуі құқық қорғау органдарында жұмыс істемейтінін жеке-дара атап өтті.