Алматы облысы әкімдігі көліктерінің бір әйнегін 1 млн 200 мыңға ауыстырған

0
1336
Коллаж: politic.kz

Ratel.kz редакциясына Алматы облысы әкімі аппаратының Шаруашылық бөлімі ұжымының бір үндеуі келіп түсті. Гараж қызметкерлері жұмыстан шығып қалудан қорқып хатқа қол қоймады.

«Біз, Алматы облысы әкімі аппаратының Шаруашылық басқармасының ұжымы, біздің бастығымыз Иманбаев Марат Есмұханұлына қатысты қайтадан ұжымдық үндеу жазуға мәжбүрміз. Оның келуімен ұжымдағы психологиялық ахуал нашарлады, автопарк көліктері жыл сайын үлкен көлемде жөнделеді, бірақ сапасыз. Бұрын жазғы және қысқы дөңгелектер мезгіл-мезгіл берілетін, бірақ қазір бұл норма бұзылды.

Өткен жылы біздің шаруашылық басқармасы Талдықорғанда орналасқан бір автосервиспен автокөлік құралдарына техникалық қызмет көрсетуге шарт жасасты. Енді олар фирманы Алматы қаласынан тапты. Біз ол жерге барамыз, тіпті іссапар ақысын төлеуді жоспарламаймыз. Егер жөндеу бір аптаға созылса, біз қайда тұрамыз?

Бюджет қаражаты автомобильдерді жөндеуге деп бөлініп, басқа жаққа жұмсалып кетуі мүмкін болғандықтан, гаражымыздың қаржы-шаруашылық қызметін тексеруді сұраймыз.

Өткен жылы Kia Quoris «мерседестерінің» бір әйнегі 1 млн 200 мың теңгеге ауыстырылды деді, бірақ іс жүзінде олар ауыстырылған жоқ. Амортизаторларды 1,5 млн теңгеге ауыстырады, ал көлік 2018 жылы шығарылған, мұндай ақшаларды қайдан алады! Сонымен қатар, барлық машиналар бойынша техникалық сараптама жүргізуге дейін есептен шығарылған ақшаны тексеруді сұраймыз», — делінген аноним үндеуде.

Басылым редакциясына гараж қызметкерлерінің үндеуінде көрсетілген фактілерді растайтын актілер де келіп түсті. Мысалы, 2020 жылдың шілде айындағы актіде «Kia» маркалы көліктің алдыңғы айнасын 1 200 720 теңгеге ауыстырғаны көрсетілген.

Тағы бір актіде Mercedes маркалы көліктің гидромуфтісі 1 241 800 теңгеге алмастырылғаны көрсетілген. Ал тамыз айында Kia Quoris  амортизаторын алмастыруға 807 792 теңге бөлінген.

«Гаражда 105 көлік. Көлікті кемшілектер актісі құрылғаннан кейін жөндейміз. Ең жақсы деген шеберханаларда жөндетуге тырысамыз. Негізінен Алматы қаласында жөндетеміз, тек түпнұсқа бөлшектер қойдырамыз, сол себепті көп шығады», – деді жетекші орынбасары Тимур Абдрахманов. 

Орындалған жұмыстар актісінде өңір басшысы Амандық Баталовтың Қазақстан нарығында 90-100 млн теңге тұратын Мercedes көлігімен жүретіні белгілі болды. Белгілі болғандай, өткен жылдың мамыр айында оның көлігін жөндеуге 6,5 млн теңге жұмсалған.

Жыл бойы қанша жұмсалғанын анықтау мүмкін болмады.

Еске салсақ, 2020 жылдың қаңтар айында мемлекет басшысы шенеуніктерді қымбат көлік сатып алмауға шақырған еді. Қажетсіз форумдар мен конференцияларға қатысты да осылай деді. Ал қызметтік көліктерді қымбат бағаға жөндету туралы ешнәрсе демеді.