Алматы маңында бойжеткеннің денесі табылды
Қысқа сілтеме алу
Әсел Панарғалиеваның өлімінің себебін анықтау үшін сот-медициналық сараптамадан кейін белгілі болады
АЛМАТЫ, 1 маусым — Sputnik. Құтқарушылар жарты жыл бұрын жоғалған турист Әсел Панарғалиеваның денесін 31 мамыр күні Үлкен Алматы көлінің маңында тапты.
Алматы полиция департаменті растады.
«Әсел Панарғалиеваның денесі табылғанын растаймыз. Іс Бостандық ауданы полиция басқармасында тергелетін болады. Қазіргі уақытта сот-медициналық тағы бірқатар сараптама тағайындалды. Толық ақпарат іс аяқталған кезде белгілі болады», — деді Алматыдағы полиция департаменті.
Әсел Панарғалиева 2019 жылдың 9 қарашасында жоғалды. Туыстарының ақпаратына сәйкес, ол жалғыз өзі Үлкен Алматы көлі жақта серуендемек болған. Сол кезден бері ешбір ақпарат болмады.
Іздеу операциясына полицейлер, төтенше жағдайлар комитетінің қызметкерлері және волонтерлер қатысты. Таулы аймақтарда қызметкерлер қызды тікұшақпен іздеді.
sputniknews.kz
