Әли Оқапов ұлының 1 жасын Вьетнамда атап өтті

Қазақстандық танымал әнші Әли Оқапов ұлының алғашқы туған күнін шетелде атап өтті. Жұлдызды жанұя Зейін Әли ұлының бір жасын Вьетнамда тойлаған, деп жазады Kznews.kz Kaz.nur.kz сайтына сілтеме жасап.

Әли Оқапов пен Ақерке Бүркітбай ұлы Зейіннің бір жасын ерекше атап өту үшін отбасымен шетелге ұшып кеткен. Жиі саяхаттап тұратын жұлдызды жанұя бұл жолы Вьетнамға сапар шеккен. Ерлі-зайыпты тұңғышын туған күнімен қалай құттықтағанын Instagram желісінде көрсетті. Видеодан қонақ үйдің ұжымы торт алып келіп, Роза Рымбаеваның немересіне ерекше құрмет көрсетіп жатқанын көруге болады.
Әли Оқапов өз парақшасында баласына жазба арнап, оған ақ тілегін жолдаған.

«Алғашқы туған күнің құтты болсын балам! Ең бастысы аман бол. Біз сені сүйеміз», — деп жазды жұлдызды әке.

Әли Оқапов отбасымен. Фото: Instagram/aliokapov