Альфонс қазақ жігіті 50 жастағы америкалық сүйіктісін тастап кетті (видео)
Осыдан біраз уақыт бұрын 50 жастағы америкалық бай әйелмен кездесетінін айтқан қазақ жігіті еліне қайта оралды. Ол енді қазақстандық ауқатты отбасының қызымен кездесіп жүргенін айтты деп жазады NUR.KZ.
Фото: Видеодан кадр
«Достар, мен Стефаниден кетіп қалдым. Қазақстанға келіп, өзіме Атыраудың қызын таптым. Жұлдыздың әкесі нефтяник. Енді осы қыздың әкесінің мойнына мініп аламын», — дейді Дильшат Әбдірашитов.
Ал Стефанимен қалай айырылысқанын Дильшат «Өз ойым» ток-шоуында айтып берді.
«Стефанимен мейрамханада таныстым. Оның өз отбасы бар. Қызының өзі менің анаммен қатар. Стафани 51 жаста. Ол маған Iphone сыйлады», — деп ағынан жарылған жігіт америкалық әйелмен жай ғана дос екенін айтады.
«Мен мұндай шу шығады деп ойламадым. Мұның барлығы тек қана әзіл. Мен альфонс емеспін. Сіздерге де теріс жолға түспеңіздер деймін. Біз Стефанимен жай ғана достармыз. Арамызда ешқандай төсек қатынасы болмаған», — деп үндеу жолдады Дильшат.
