Әлемде алғаш рет болады – Бекмамбетов жоспарын бөлісті
Қысқа сілтеме алу
Блокбастер соғыс кезінде неміс тұтқынында болып, жаудың ұшқышымен қашқан ұшқыш туралы болады. Басты рөлді Шымкент қаласының тумасы сомдайды
АЛМАТЫ, 14 ақпан — Sputnik. Белгілі қазақстандық режиссер Тимур Бекмамбетов әлемдегі бірінші вертикалды форматтағы блокбастер түсіреді.
Фильм «V2. Escape From Hell» («Тозақтан қашу») деп аталатын болады. Картина ұшқыш Михаил Девятаевтың ерлігіне арналады, деп жазды Deadline басылымы.
Туынды шынайы оқиға желісіне негізделген. Фильмде екінші дүниежүзілік соғыс кезінде неміс тұтқынына түсіп, жаудың ұшағымен қашқан ұшқыш Михаил Девятаевтың оқиғасы баяндалады. Басты рөлді Шымкент қаласының тумасы Павел Прилучный сомдайды.
Тағы оқыңыз: Тимур Бекмамбетов өзінен 29 жас кіші қызға үйленді
«Бұл қиындыққа қарамастан, мойымаған жанның оқиғасы. Сондай-ақ, көкте самғаған ұшақ жайлы», — деді режиссер Тимур Бекмамбетов.
Фильм ең алдымен, смартфон аудиториясына негізделген. Ағыл және орыс тілінде экранға шығады. Фильмнің бюджеті — 10 миллион доллар. Кинокартина 2021 жылдың басында көрерменге жол тартады деп жоспарланып отыр.
sputniknews.kz
