Алдағы үш күнде 26 градусқа дейін аяз болады
Қазақстандағы алдағы үш күнге арналған ауа райы болжамы жарияланды.
Қазгидромет елде суық антициклон жүретінін, оның Қазақстанға әсері туралы айтты.
«Кей жерлерде әлі де қар, оңтүстік пен оңтүстік-шығыстың таулы аймақтарында қатты қар жауады, бірақ антициклонмен түнде ауа температурасының солтүстік аймақтарда 18-26 аязға дейін, оңтүстік аймақтарда 5-15 аязға дейін төмендеуі күтіледі», — дейді синоптиктер.
Еліміздің кей жерлерінде тұман, оңтүстік жартысында — көктайғақ, солтүстік бөлігінде — бұрқасын күтіледі.
