“Әкесінің арқасында” — Зарина Омарова мемлекеттік марапаты үшін қатаң сынға қалды

Танымал әнші Зарина Омарова мереке қарсаңында атақ алып, сүйінші сұрады. Өнер иесі жеке парақшасына құттықтау мен көрімдік қабылдап жатқанын айтты. Бұл туралы Kznews.kz Stan.kz ақпарат агенттігіне сілтеме жасап хабарлайды.

Тәуелсіздік күні қарсаңында бір топ ел азаматтары марапатқа ие болған еді.

“Маңызды марапат пен лайықты құрмет әрбір өнер адамын қанаттандырып, ерекше шабыт сыйлайтыны сөзсіз. Дәл осындай шаттыққа толы сәтімді, қымбатты оқырман, өздеріңізбен бөлісуді жөн көрдім.
Қоғам дамуына қосқан айрықша еңбегі үшін “Қазақстан Республикасының құрметті азаматы” төсбелгісін иелендім. Құттықтап қойсаңыздар, қуанып қаламын!” – деп жазды әнші.

Әншінің әріптестері жарыса тілек жазып, лайықсың деп мақтап жатыр. Ал оқырмандары: “Тәңірберген қайда”, “Әлидің оқиғасы сендерге сабақ болмады ма?”, “Әкесінің арқасында жүрген адам” деген сыңайда пікір қалдырып жатыр.

фото: әлеуметтік желіден