Әйелінің сыйлығынан кейін күйеуі миллионер атанды — Қазақстан жаңалықтары

АҚШ-тың Вирджиния штатында күйеуі әйелінен сыйлық ретінде лотерея билетін алып, миллионер болды, деп хабарлайды Stan.kz ақпарат агенттігі.

Дэниел Шуманның айтуынша, әйелі ерекше сыйлық жасаған кезде ғана лотереяда алғаш рет ойнаған. Ұтыс билеті америкалық азаматқа бір миллион доллар алып келді.

«Біз сандар сәйкес келгенін анықтадық және қайтадан тексердік. Өте қатты таң қалдық. Бұл біз күткен нәрсе емес еді», — деп еске алады жеңімпаз.

Шуман лотереяның штаб-пәтеріне барып, ақшалай сыйлық алған. Бірақ, оны әлі қайда жұмсайтынын білмейді.