Абаев президент туралы тараған қауесетті жоққа шығарды — Қазақстан жаңалықтары

Ақпарат және қоғамдық даму министрі Дәурен Абаев ҚР президенті Қасым-Жомарт Тоқаев қызметінен кететіні туралы қауесетті жоққа шығарды, деп хабарлайды Stan.kz ақпарат агенттігі.

«2019 жылдың 19 наурызы шынымен тарихи күн болды. Бұл күн елді өзгертті. Біздің тарихымызда жаңа кезең санаудың нүктесі болды. Әрине, бұл шешім барлығы үшін күтпеген жерден болды. Менің ойымша, Елбасының осы қадамының даналығы мен тереңдігін кейінірек толық түсінеміз. Мүмкін, оған біздің балаларымыз, немерелеріміз дәл баға береді», — деді Дәурен Абаев «Хабар» телеарнасындағы «Ашық диалог» бағдарламасына берген сұхбатында.

Министрдің айтуынша, бұл оқиғаның бір жылдық мерейтойы қазіргі ел президенті жақын арада өз лауазымын тастап кетеді немесе біреу оның орнын алады, немесе біреу мемлекет басшысының орындығына келді деген түрлі ойлар мен қауесеттерді, теорияларды тудырған.

«Шынымды айтсам, мұндай асханада айтатын әңгімеге түсініктеме беру ыңғайсыз. Бірақ, өкінішке қарай, тақырып соншалықты жемісті болды, сондықтан көптеген адамдар бұл туралы айтып жүр. Құрметті сарапшылар мен журналистерден бастап нашақорларға дейін. Мен тек бізге маңызды, нақты істерге көңіл бөлуіміз керек деп айтқым келеді. Білесіздер, бізді нақты мәселелерден алшақтатуға тырысады, Және барлық осы жалғандарға құзыретті органдар, әрине, өзінің құқықтық бағасын береді. Ал қазір біз нақты істерге назар аударуымыз керек. Бізде халықтың сеніміне ие заңды сайланған президент бар», — деді Дәурен Абаев.

Әлеуметтік желілердің бірінде Қасым-Жомарт Кемелұлының өкілеттілігін тоқтатқаны жайлы әңгімелер тараған еді.

Кейіннен президент кеңесшісі Ерлан Қарин желіде тарап жатқан түрлі қауесеттерге сенбеуді сұрады.