9-сынып оқушысы 2 жасар қызды зорлаған
Ферғана облысы Риштан ауданындағы жекеменшік балабақшалардың бірінде екі жастағы қызды зорлады деген күдікпен 9-сынып оқушысы ұсталды.
Оқиға биыл 4 наурызда болған.
«Жасөспірімнің анасы үйінен жекеменшік балабақша ашқан, ал зорланған қыздың анасы осында тәрбиеші болып істеген. Анасы бақшаны баласына қарауға қалдырған. Ол қайтып оралғанда, зорланған қызды аурухананың жансақтау бөліміне жеткізгенін білген», — деді Риштан тұрғыны.
Риштан ауданы мектепке дейін білім беру бөлімінің басшысы Авазжон Ганиев болған оқиғаны растап, жекеменшік балабақша заңсыз жұмыс істеп келгенін хабарлады.
«Біз сол күні балабақшаға бардық. Оның қожайыны бұл орынды заңсыз ашқаны анықталды. Ол төрт балаға қараған. Оқушыны ұстады деп естідім.
Оның қызды зорлаған-зорламағанын құқыққорғау органдары анықтайды», — деді шенеунік. Күдікті оқитын мектептің директоры жуналистер сұрағына жауап беруден бас тартты.
«Оны қайта қозғап не істейсіңдер?» — деген директор телефон тұтқасын қоя салған.
Дереккөз: centralasian.org
