8,5 мың сотталғандардан 300 млн-ға жуық теңге өндірілді

0
138
Advertisement

Заң бойынша Қорда жиналған қаражат қылмыс құрбандарына 2020 жылдың 1 шілдесінен бастап төленеді.

Қазақстан Республикасының Бас прокуратурасы Өтемақы қорына өндіру тәртібін түсіндірді, деп хабарлайды Zakon.kz ҚР Бас прокуратурасының Баспасөз қызметіне сілтеме жасап.

2018 жылы «Жәбірленушілерге өтемақы қоры туралы» Заңы қабылданып, қылмыстардан зардап шеккендерге жедел түрде материалдық көмек көрсету институты құрылды.

Аталған қорды толтыру көздерінің біреуі – қылмыстардың санатына қарай соттардың үкімдерімен өндірілетін мәжбүрлі төлемдер болып табылады.

«Былтырғы жылдың 2-ші жарты жылдығында 8,5 мың сотталғандардан 300 млн-ға жуық теңге өндірілді. Мәжбүрлі төлемдерден басқа процестік міндеттерді орындамағаны және сот отырысында тәртіп бұзғаны үшін, түзеу жұмыстары түрінде жаза тағайындалған сотталғандардан өндіріп алу арқылы Қор қалыптастырылады. Заң бойынша Қорда жиналған қаражат қылмыс құрбандарына 2020 жылдың 1 шілдесінен бастап төленеді. Сексуалдық зорлық-зомбылықтың құрбаны болған кәмелетке толмағандар, адам саудасы мен азаптаулардың жәбірленушілері және денсаулығына ауыр зиян келтірілген не адамның иммун тапшылығы вирусын (АИТВ/ЖИТС) жұқтырған адамдар өтемақыны алуға құқылы. Олар 30-дан 50 айлық есептік көрсеткіш көлеміндегі біржолғы төлемнен тұрады», – деді бақылаушы орган өкілдері.

Бұл қаржы бюджетті атқару жөніндегі орталық уәкілетті органымен күнтізбелік он күннен кешіктірмей жәбірленушілердің банктік шотына аударылады.

Telegram арнасындағы маңызды жаңалықтар «zakon.kz». Жазылу!



Zakon.kz

Ең соңғы жаңалықтарды KzNews.KZ телеграм каналынан оқи аласыз! Телефоныңызға тікелей келетін ақпаратқа жазылыңыз. 

 
Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз