$75 млн құрайтын «Орта білімді жаңғырту» жобасы іске қосылды

0
222

Астана, BAQ.KZ тілшісі. Бүгін Қазақстан мен Халықаралық Қайта Құру және Даму Банкі арасындағы келісім шеңберінде құны 75 млн АҚШ долларын құрайтын «Орта білім беруді жаңғырту» жобасы ресми іске қосылды. Бұл туралы ҚР Білім және ғылым вице-министрі Эльмира Орталық коммуникацbялар қызметінде өткен баспасөз-мәлихатында мәлімдеді. 17 жылға жоспарланған жоба елдегі орта білім жүйесінің сапасын арттыру, білім берудегі қолжетімділік пен теңдікті жетілдіруді көздейді.

Жобаның мақсаты – орта білім жүйесінің сапасын көтеру, жаңғыртуды қолдау, білім берудегі қолжетімдік пен теңдікті арттыру, қала және ауыл оқушылары арасындағы оқу үлгерімінің алшақтығын төмендету.

«Жобаның негізгі бағыттарының бірі – білім беру материалдарына қолжетімдікті арттыру, мультимедиалық жабдықтармен жарақтау және ауыл мектептері мұғалімдерінің әлеуетін көтеру арқылы ауылдық жалпы орта білім беретін мектептер мен шағын жинақталған мектептердің оқушыларының үлгерімін жақсарту. Осы мақсаттарға жету үшін 75 млн АҚШ доллары бөлінеді, соның ішінде Халықаралық Қайта Құру және Даму Банкі қарызы – 67 млн АҚШ долларды, Қазақстанмен бірлесіп қаржыландыру қарызының сомасы 8 млн АҚШ долларын құрайды», — деді вице-министр.

Суханбердиева жоба аясында жаңартылған бірім беру мазмұнын қолдауға арналған бастамалар кешені жоспарланғанын атап өтті. ҰБТ мен ӨСЖБ тестілеудің жаңа стандарттарын жасау, тест тапсырмалары базасын мультимедиа элементтерімен жаңарту, оқулықтар сараптамасы талаптарына жаңартылған стандарттар енгізу көмегімен бағалау жүйесін қайта қарау көзделеді. Оған қоса, осы шаралар ауылдағы жалпы білім беретін мектеп пен шағын жинақты мектептерде оқушылардың оқу үлгерімін білім беру материалдарына қолжетімділік, мультимедиалық құрал-жабдықтармен жабдықтау, ауыл мұғалімдерінің әлеуетін көтеру арқылы жақсартуға бағытталады.

«Жоба қаражатының 60 пайызы 5 мыңнан астам ауылды, әсіресе шалғай ауылдардағы мектептерді мультимедиалық жабдықтармен жарақтандыруға бағытталады. Бүгінгі таңда елімізде 7014 мектеп бар, оның 5500 астамы – ауыл мектептері», — деді вице-министр.

Жоба жаңа цифрлық білім беру ресурстарына қол жетімділікті жақсартып, халықаралық тестілеудің онлайн форматында өткізу үшін материалды-техникалық қолдауды көрсетеді. Оған қоса, осы шаралар қала және ауыл мектеп оқушылары арасындағы оқу үлгерімінің алшақтығын төмендетуге ықпал етеді.














Біздің Telegram-парақшамызда Қазақстанның маңызды жаңалықтары. Жазылыңыздар!


Дереккөз: BAQ.KZ