66 адам қаза болып, 51 адам жарақат алды: Түркияда ұлттық аза тұту күні жарияланды

Түркия президенті Режеп Тайып Ердоған Болу провинциясындағы Карталкая тау шаңғысы курортындағы өрттен туындаған қайғылы оқиғаға байланысты бір күндік ұлттық аза тұту жариялады, — деп хабарлайды Massaget.kz тілшісі Anadolu-ға сілтеме жасап.

Агенттіктің хабарлауынша, сәрсенбіде, 22 қаңтарда елдегі және шетелдік өкілдіктердегі мемлекеттік тулар түсіріледі.

21 қаңтарға қараған түні әйгілі Карталкая тау шаңғысы курортындағы қонақүйде болған өрттің салдарынан 66 адам қаза тауып, тағы 51 адам жарақат алды. Түркия ІІМ басшысы Али Ерликая бұл жерде өртті жою және құтқару жұмыстарын жүргізу үшін түрлі мемлекеттік мекемелердің 267 қызметкері жұмыс істеп жатқанын айтты.