400-ден астам полицей дабылмен көтерілді
Қысқа сілтеме алу
Алматының төрт ауданының полиция қызметкерлері сел жүру қаупіне байланысты таңертең ерте аяғынан тік тұрды
АЛМАТЫ, 14 тамыз — Sputnik. Алматыдағы Наурызбай ауданында сел жүруіне байланысты дабыл қағылып, қосымша төрт жүз полицей жұмысқа кірісті. Тәртіп сақшылары өз міндетін атқарумен қатар, тұрғындарды қауіпсіз жерге көшіруге атсалысты.
«Полиция қызметкерлерінің басты міндеті – азаматтардың қауіпсіздігін қамтамасыз ету, қоршау, көліктерді алып кету, қауіпсіз жерге эвакуациялау және халықты хабардар ету», — деп атап өтті Алматының полиция департаменті бастығының орынбасары Ізбасар Бектұров.
©
Sputnik / Тимур Батыршин
Полицейлер бөгеттің жанында
Оның айтуынша, жағдайды бақылауда ұстау үшін, полицияның сыртқы күштері – патруль экипаждары ғана емес, учаскелік инспекторлар, арнайы батальон жасағы, аудандардың жедел тергеу топтары жұмылдырылды.
©
Sputnik / Тимур Батыршин
Алматыдағы сел
Сондай-ақ Бектұров хабарлағандай, ішкі істер министрі Ерлан Тұрғымбаевтың нұсқауымен Ұлттық ұлан сарбаздары селдің салдарын жоюға дайын тұр.
sputniknews.kz
