38 жастағы Әсел Сәдуақасова өзінен жеті жас кіші сүйіктісін көрсетті

Қазақстаннан көшіп, психологияға бет бұрған отандық актриса Әсел Сәдуақасованың көпшіліктен жасырып жүрген сүйіктісінің кім екені белгілі болды.

Актриса қазіргі уақытта Балиде тұрып жатыр. Әсел Сәдуақасова сүйіктісімен әлеуметтік желіге бірдей сурет жүктеп, желі қолданушыларына ұсталып қалды.

Актрисаның айтуынша, ол қазір уақытының көп бөлігін рухани даму мен релаксацияға арнап, трансформациялық кезеңнен өтіп жатыр. Сондай-ақ Әсел әрқашан мұхиттың жанында тұруды армандағанын айтады. Сол себепті оның тұрғылықты жер ретінде таңдауы Бали аралына түскен.