2020: 10 мамырға дейін онлайн өтініш тапсыру керек

0
1

Қоғам

Қысқа сілтеме алу

11 0 0

Білім министрлігі Ұлттық бірыңғай тестілеу тапсыру үшін 10 мамырға дейін өтініш жолдау керек екенін айтты

НҰР-СҰЛТАН, 24 сәуір — Sputnik. Білім министрлігі түлектер ұлттық бірыңғай тестілеуге қатысу үшін онлайн өтінішті қалай толтыруы керек екенін айтты.

Биыл ҰБТ-ға қатысу үшін 10 мамырға дейін ent2020.testcenter.kz сайтында онлайн өтініш тапсыру керек.

Ведомство жаңа формат қағаз құжаттардан бас тартуға мүмкін беретінін айтты.

Аталған порталда тіркеуден өткен кезде заңды өкілдері 18 жасқа толмағандар туралы ақпаратты алып, өңдеуге келісім береді.

Сондай-ақ, тіркелу үшін электронды цифрлық қолтаңба қажет емес екені айтылды.

Сауалдар бойынша 8 800 080717 нөмірі арқылы Ұлттық тест орталығының call-center-іне хабарласуға болады. [email protected] қызметіне хат жолдауға да болады.

ҰБТ – 2020

Биыл ұлттық бірыңғай тестілеуде 11-сыныптың 4-тоқсанында өткен бағдарлама сауалдары болмайды. Бұл туралы Ұлттық тестілеу орталығының директоры Дидар Смағұлов айтқан болатын.

Түлектер биыл карантин мен төтенше жағдайға байланысты соңғы тоқсанды қашықтан оқыды. Сондықтан осындай жеңілдік жасалып отыр.

Тағы оқыңыз: «Құпия емес»: сарыағаштық түлек ҰБТ-да 140 ұпайды қалай жинағанын айтты

Министрлік тестілеу маусым айында дәстүрлі форматта өтетінін хабарлады. Алайда ведомство коронавирус жағдайы ушықса, қосымша жоспар қарастырылғанын айтты.



sputniknews.kz