2019 жылы Гренландияда мұздың еруінің рекордтық жылдамдығы тіркелді

2019 жылы Гренландия мұз қабаты шамамен 530 миллиард тонна жоғалтты. Бұл алдыңғы рекорд тіркелген 2012 жылмен салыстырғанда 70 миллиард тоннаға артық.

2019 жылы ғалымдар Гренландияда (Дания) мұздың еруінің рекордтық жылдамдығын тіркеді. Бұл туралы АҚШ Ұлттық аэронавтика және ғарыш кеңістігінің (NASA) реактивті қозғалыс зертханасы ғалымдарының зерттеуінде айтылған.

Өткен жылы Жердегі ең үлкен аралдың мұз қабаты 532 миллиард тонна мұзды жоғалтты, бұл 2012 жылмен салыстырғанда 70 миллиард тоннаға артық (сол кезде 464 миллиард тонна еріген). Бұл бақылаулардың бүкіл тарихындағы ең жоғары көрсеткіш — кем дегенде 1948 жылдан бері.

Ғалымдардың айтуынша, осыған байланысты әлемдік мұхиттағы су деңгейі шамамен 1,5 мм-ге көтеріледі. Бұл мөлшер АҚШ-ның Калифорния штатын 1,2 метрлік су қабатымен толығымен жабуға жеткілікті болар еді, деп атап өтті зерттеушілер.

Зерттеу жетекшісі, неміс Вегенер институтының гляциологы Инго Сасген ауа райының өзгеруін мұздықтардың еруінің басты себебі деп атады. «Бізде мұз қабаты үстінде тұрақты (атмосфералық) жоғары қысым жүйелері бар, орта ендіктерден жылы ауа келуіне ықпал етеді, бұл балқуға қолайлы жағдайлардың бірі», — деді ол.

Керімсал Жұбатқанов, Қазақ-Орыс халықаралық университетінің доценті, тарих ғылымдарының кандидаты