200 жылдық тарихы бар Қызылорданың шынайы келбетін білесіз бе? (фото) — новости Казахстана

Биыл Қызылорда өзінің 200 жылдық мерейтойын дүркіретіп атап өтті. Салтанатты шара аясында қалада бірқатар жаңа нысандар пайдалануға берілді. Облыс орталығындағы көпқабатты үйлердің сырты әктеліп, әрленді. Кәсіпкерлердің демеушілігімен орталық алаңда үлкен гала-концерт ұйымдастырылды. Алайда қаланың екі ғасырлық мерекесі шет аймақ тұрғындарына сезіле қоймаған секілді.

Фотоколлаж: NUR.KZ

Сонымен, Қызылорданың көпшілік біле білмейтін «жасырын» келбеті қандай?

NUR.KZ порталының өңірдегі тілшісі билік назарынан тыс қалып қойған шет аймақтарды аралап, ондағы тұрғындармен тілдескен болатын.

Гагарин қыстағы. Фото: NUR.KZ

Гагарин қыстағы облыс орталығынан қашық орналаса қоймаған. Дегенмен мұндағы адамдар өздерін ауыл тұрғындары ретінде сезетінін айтады.

Гагарин қыстағы. Фото: NUR.KZ

Әбден қабырғасы мүжіліп, шатыры тозған баспаналарына айтар шағымдары өте көп. Қала әкімдігіне бірнеше мәрте наразылықтарын да жеткізген екен. Бірақ нақты нәтиже әлі жоқ.

Гагарин қыстағы. Фото: NUR.KZ

Мұндағы тұрғындары жаздың күні сасық көлшіктерден жапа шегіп келеді.

Гагарин қыстағы. Фото: NUR.KZ

«Қызылжарма» ауылы тұрғындарының да жағдайы осыларға ұқсас.

Қызылжарма ауылы. Фото: NUR.KZ

Мұндағы көпқабатты үйдің тұрғындары қыстың күні пәтерлеріне от жағады. Ол аздай, ауладағы дәретхананы пайдалануға мәжбүр.

Қызылжарма ауылы. Фото: NUR.KZ

Баспаналарының да жағдайы мәз емес. Осы ауылдағы бес қабатты жатақхананың жоғары бөлігінің опырылып түскен кездері де болған.

Қызылжарма ауылы. Фото: NUR.KZ

Су далада күндіз-түні сарылдап ағып тұр. Ал арықтың іші толған қоқыс. Еш қараусыз ағып жатқан суды мұндағы тұрғындар амалсыз пайдаланады.

Қызылжарма ауылы. Фото: NUR.KZ

«Үйіміз өте ескі. Бірнеше рет қабырғалары құлады. Сол кезде төтеншеліктер мен әкімдік қызметкерлері келеді. Бірақ ешқандай өзгеріс болып жатқан жоқ. Мұндағы тұрғындардың көпшілігі пәтер жалдап тұратындар. Арзан болған соң осында келеді», — дейді жатақхана тұрғындарының бірі.

Қызылжарма ауылы. Фото: NUR.KZ

Шанхай мөлтек ауданында да ескі үйлер өте көп.

Шанхай мөлтек ауданы. Фото: NUR.KZ

Бірақ оларға «апаттық» деген статус берілмеген. Соған қарамастан, жергілікті тұрғындар өз өмірлері үшін алаңдайды.

Шанхай мөлтек ауданы. Фото: NUR.KZ

Не себепті екендігі белгісіз, тазалық мекемелері де бұл аймаққа мүлдем келмейтін сияқты.

Шанхай мөлтек ауданы. Фото: NUR.KZ

Әр бұрышта жиналған қоқыстардан аяқ алып жүру мүмкін емес. Тұрғындарға қауіп төндіретін қаңғыбас иттер де жетерлік.

Шанхай мөлтек ауданы. Фото: NUR.KZ

Шет аймақ тұрғындары мерейтой қарсаңында жақсы жаңалық күткендерін айтады. Бірақ бұл жолы да оң өзгерістердің барлығы облыс орталығынан әрі аса алмаған секілді.

Шанхай мөлтек ауданы. Фото: NUR.KZ