1991 жылдан бері Қазақстанда 8,7 миллион сәби дүниеге келген

0

2018 жылғы 14 желтоқсан 11:00 153

1991 жылдан бері Қазақстанда 8,7 миллион сәби дүниеге келген


АСТАНА. ҚазАқпарат – Тәуелсіздік жылдарында өзге салалармен қатар демографиялық көрсеткіштер де өсті. Еліміз егемендік алған тұста халық саны 16 миллионның шамасында болса, қазір 18 миллионнан асты. Яғни қазақстандықтардың саны ширек ғасырда 12 процентке артты, деп хабарлайды «Хабар 24».

1991 жылдан бері қазақ жерінде 8,7 миллион перзент дүниеге келді. Ал әрбір жетінші сәби Түркістан облысында туған екен.

Жалпы, елімізде ең жоғары туу көрсеткіші 2016 жылы тіркелген. Бұл жылы қазақстандықтардың саны 400 мыңға артты.

Демографтар келтірген тағы бір қызық дерек, 20-30 жас аралығындағы ерлер мен әйелдер саны. Еліміздің оңтүстік өңірлерінде аталған жастағы тұрғындардың саны шамалас болса, Алматы, Қостанай және Ақтөбеде ерлерге қарағанда қыз-келіншектер көп көрінеді.  

27 жылда Қазақстан азаматтарының орташа өмір сүру ұзақтығы артты. Назар аударатын жайт, әйелдер ер адамдарға қарағанда 10 жыл ұзақ өмір сүреді екен.

Мәселен, тоқсаныншы жылдармен салыстырғанда ерлердің жасы 62-ден 68-ге, ал әйелдердің жасы 72-ден 76-ға дейін ұлайған. 

Осыған дейін қазақстандықтардың орташа өмір сүру жасы ұзарып келе жатқандығын жаздық.

Дереккөз: https://www.inform.kz/kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз