16 жасқа дейінгі балалары бар ресейліктерге ақшалай көмек көрсетіледі

0
51

Көрші елдің тұрғындары 12 мамырдан бастап төлем алуға өтініш жолдай алады. Бұл туралы Ресей президенті өз үндеуінде айтты

НҰР-СҰЛТАН, 11 мамыр – Sputnik. Ресейде 3-16 жас аралығындағы балалары бар тұрғындар әр балаға 10 мың рубль (57 мың теңге) алады, деп хабарлады Sputnik Қазақстан.

Көрші ел президенті COVID-19-ға байланысты тұрғындарға қолдау жасау бойынша ресейліктерге үндеу жасады.

«1 маусымнан бастап 3-16 жас аралығындағы балалары бар отбасына әр балаға 10 мың рубль беріледі. Өтінішті 12 мамырдан бастап тапсыруға болады», – деді Путин.

Ресей президенті коронавирус пандемиясы кезінде адамдар анықтама жинай алмайтынын айтты. Сондықтан өтініш берген бір реттік көмек ала алады.

Көрші елде жұмыссыздар саны 1,4 миллион адамға жеткен. Бұл сәуірдегі деңгейден екі есеге көп.

Бұған дейін Ресейде жұмыс емес кезең 12 мамырда аяқталатыны хабарланған болатын.



sputniknews.kz