10-сынып оқушысы екі қойған ұстазын пышақтап тастады

0
4104

Ресейдің Пермь өлкесі Березники қаласында 10-сыныптың оқушысы физика пәнінің мұғаліміне пышақ ала жүгірген. 

Куәгерлердің сөзінше, 16 жастағы оқушы мен ұстаздың арасында жанжал туған. Ашуға булыққан бозбала пышақ алып, 74 жастағы оқытушының мойнына екі рет, кеудесіне бір рет сұғып алған.

Балалардың барлығы арнайы жасақ жауынгерлері келіп, кінәлі оқушыны тұтқынға алмайынша, мектептен шығарылмаған. Ұстаз тікұшақпен ауруханаға жеткізіліпті, дәрігерлер қазір оның жағдайы орташа ауыр екенін айтады.

Бозбала пышақты сөмкесіне салып, мектепке алып кіріпті. Алдын ала мәліметтер бойынша, оқушының бұл әрекетіне мұғалімнің тоқсанның соңында оған екі қоюы  себеп болған.