1,5 жыл бұрын із-түзсіз кеткен алматылық жігіт табылды (фото) – новости Казахстана

0
168

Шығыс Қазақстанда іздеу салынған 23 жастағы Алматы қаласының тұрғыны Медетхан Серімбетов табылды. Осыдан 1,5 жыл бұрын із-түзсіз кеткен жігіт жайлы қуанышты хабарды оның ағасы Алтайньюс редакциясына хабарлаған.

Фото: altaynews.kz

Фото: altaynews.kz

Табылған жігіттің ағасы Тәуіржан Серімбетов айтуынша, Медетхан Алматыдан табылыпты.

«Көптің тілеуі қабыл болып, Медетхан табылды. Бастысы, өзі аман. Қазір анасы екеуі полицияда мән-жайды анықтап жатыр», – дейді Тәуіржан Серімбетов.

Ол Медетханды іздеуде көмектескендерге, жігіттің аман-есен табылуына тілектес болған жандардың барлығына алғысын білдіріп отыр.

Жігіттің осы уақытқа дейін қандай себеппен хабар-ошарсыз жүргені белгісіз.

Еске сала кетейік, Алматыда тұратын Қызылорда тумасы Медетхан Серімбетов 2017 жылдың жетінші қарашасында Алматы қаласында ұшты-күйлі жоғалып кеткен.

Жігіттің туысқандары оны телеарналар, Rina.kz еріктілерінің көмегімен, тіпті ресейлік «Жди меня» бағдарламасы арқылы іздеген.