Андрей Грозин: Қазақстанда ұлтшылдар қарғыбауда болып, қазір босап кетті

0
795

ТМД елдері институтының Орталық Азия және Қазақстан бойынша бөлімінің меңгерушісі Андрей Грозин Қазақстанда ұлтшылдардың қарғыбауда болып, қазір босап кеткені туралы gazeta.ru сайтында жарияланған «Қазақстан Ресейден қалай алыстап барады» атты мақалада айтты, деп хабарлайды kznews.kz сайты.

Грозиннің айтуынша, Ресейге қарсы ұлтшылдар Қазақстандағы билікте де, бұқаралық ақпарат құралдарында да барған сайын көбейіп жатыр.

«Қазір олардың дәурені жүріп тұр. Қасым-Жомарт Тоқаев билікке келгеннен бастап олардың дауыстары естілді. Назарбаевтың билігі кезінде бір мүдде үшін қолданылған ұлтшылдар қазір билікке келіп жатыр. Бұрын қарғыбауда болса, қазір одан босап, президент әкімшілігінде, парламентте, үкіметте қызмет етуде. Олар көп болмаса да, өздеріне еретін, сөздеріне сенетін адамдар тобырын тауып үлгерген», — дейді ол.