VADA промоутердің «Канелоны» қарымтадан кейін тексермеуге қатысты шағымына жауап берді

Мұның алдында Леффлер VADA боксшыларды қарымтадан кейін тестілеуді жоспарлап, келесі күні айнып қалғаны күдік тудыратынын айтқан. 

«VADA жекпе-жектен кейін Головкин үшін кездейсоқ тест жоспарлаған болатын. Олар «Канелодан» да тест алмақ болғанына сенімдімін. Алайда келесі күні кездейсоқ тест алынбайтын болды. Жоспарланған тесттің өтпей қалуы күмән келтіреді… Мүмкін «Канело» Мексикада жүріп, қуырылған ет жеп, өз «шешімін» тойлатып жатқан болар», — деп жазыпты Леффлер твиттер желісінде.

VADA басшысының сөзінше, қазақстандықтың промоутері қателесіп отыр.

«Головкин және Альварестің допинг тесті туралы Том Леффлердің твиттері қате. VADA екі боксшыдан да қарымтаға дейін талай тест алған. «Канело» жекпе-жектен кейін де VADA-ның жыл бойғы тесеру бағдарламасында. Головкин үшін бағдарлама 15 қыркүйекте аяқталған», — деп келтіреді Гудманның сөзін BoxingInsider.com. 

«Бастапқыда Невада штатының атлетикалық комиссиясы боксшыларды қайта тексеруімізді сұрады. Алайда жекпе-жектен кейін бәрі жан-жаққа тарап кетті, ал Головкин бағдарламада болмағандықтан, комиссия шешімін өзгертті. Сондықтан тексерісті VADА емес, комиссия өзгертті», — дейді ұйым басшысы.