Үш нұсқа чемпионы «Канелодан» гөрі Головкинмен жұдырықтасу қиын болатынын айтады

0
WBA Super, IBF және IBO нұсқалары бойынша алғашқы орта салмақтағы әлем чемпионы америкалық Джарретт Херд BoxingScene басылымына берген сұхбатында жоспарлары жайлы, сондай-ақ, ағайындылар Джермелл мен Джермалл Чарло, мексикалық Сауль «Канело» Альварес пен қазақстандық Геннадий Головкинмен жекпе-жек өткізгісі келетінін айтып берді, – деп хабарлайды Vesti.kz.

«Мен олардың әрқайсын талқандаймын. Ештеңеге қарамастан жеңілмеймін. Жеңіске деген ерік-жігерім арқылы барлығын өзімнің пайдама жасаймын, – дейді Херд.

Сондай-ақ, америкалық боксшы алдағы жоспарларына тоқталды.

«Чарломен жұдырықтасқан соң орта салмаққа көтерілемін. Ал сосын кіммен жұдырықтасатынымды білесіздер ме? Иә, Джермалл Чарломен. Бұл алдағы уақытқа жақсы жоспар. Екі Чарломен жұдырықтасқан соң «Канело» Альвареспен кездесу өткізуге тамаша мүмкіндік болады. Ол да 154 фунт салмақта жұдырықтасқан болатын.

Бірақ, менің жұдырықтасу стиліммен «Канелоға» қарағанда Головкинмен жекпе-жек қиынырақ болады. (…) Физикалық тұрғыдан қарағанда Головкин «Канелоға» қарағанда мықтырақ. Дегенмен Головкинді жеңетінімді білемін. Эрисланди Лараны жеңген соң мені көп адам шақырып жатыр. Өзіме лайық құрметке бөленіп жатқан сияқтымын», – дейді Джарретт Херд.

Херд 1 желтоқсанда ұлыбританиялық Джейсон Уэлборнмен жұдырықтасады.

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз