Тергеу жұмысына көңілі толмаған Денистің анасы сотқа шағым түсірді

Алматыда қылмыстық істер жөніндегі арнайы мамандандырылған сот ғимаратында Денис Теннің өліміне қатысты кезекті сот отырысы басталды. Бүгін іс сөзжарыс бөліміне өтуі тиіс болған. Алайда, Оксана Тен тергеу амалдарына қанағаттанбағандықтан сотқа шағым түсіріп, тергеуді қайта жандандыруды талап ететінін жеткізді.

Денис Теннің анасы сотқа дейінгі тергеу жұмыстары кезінде бірқатар мәліметтер ескерілмегендіктен, оларды қайта тексеруді қалайтынын айтты.