«Қазақстанда бәрі сатылады! Федерация да!» деп айқайлаған волейболшы кешірім сұрады
Сурет: https://prosports.kz/
Талдықорғанда волейболдан өткен әйелдер командалары арасындағы Қазақстан чемпионатының бірінші турында спортшы ешкім күтпеген мәлімдеме жасады, деп хабарлайды KzNews ақпарат агенттігі.
Телеоператор тайм-аут кезінде «Жетісу» командасын түсіріп жатқанда капитан Алеся Сафронова камераға қарап тұрып «Қазақстанда бәрі сатылады! Федерация да!» деп айқайлады.
Арудың бұл сөздері назардан тыс қалмады. Артынша «Ертіс-Қазхроммен» болған ойынға Алеся қатыспады. Сондай-ақ сол күні спортшы шеттетілгені туралы хабарлады. Бұл ақпаратты бас хатшысы Ермек Сырлыбаев та растады.
«Ұлттық лига шеберлерінің әйелдер командалары арасындағы волейболдан Қазақстан Республикасының ХХІХ Чемпионаты 1-турының негізгі төрешілер алқасы бұл эпизодты атқару комитетінің келесі отырысында қарастыруға, турдың соңына дейін Алеся Сафронованы шеттеуге шешім қабылдады», — деді ол.
Ал волейболшы асығыс жасалған мәлімдемесі үшін кешірім сұрады.
Посмотреть эту публикацию в Instagram
«Әлбетте, қатты айтқаным үшін кешірім сұраймын. Матч өте тартысты өтті, ал камералардың артында көп нәрсе көрінбейді — қарсыластар бізді үнемі арандатып жатты. Өкінішке қарай, төрешілер мұны көрмейді… Мен ол жерде Қазақстан туралы емес − Федерация туралы айттым. Қазақстанды өте жақсы көремін, құрметтеймін, оған жастық шағымды арнадым — Қазақстан ұлттық құрамасы үшін жанымды бердім. Әлі де қазақ туы үшін күресемін», — дейді Сафронова.
