«Реалдің» жас шабуылшысы ауыр жарақат алды

«Реал Мадрид» шабуылшысы Винисиус Жуниор UEFA Чемпиондар Лигасы аясында «Аякс» командасымен өткен ойында алған жарақатына байланысты екі айға қатардан шығып қалды, деп хабарлайды prosports.kz.

Мадридтік клубтың баспасөз қызметінің жазуынша, Винисиус медициналық тексеруден өткен соң оның оң жақ тізесі ауыр зақымдалды деген диагноз қойылған.

Клуб дәрігерлері жас шабуылшының нақты қанша уақыт емделетінін айтпағанымен, мамандар бұндай жарақат жазылу үшін кем дегенде екі ай керек деп отыр.