Қазақ баласы «Үздік шетелдік боксшы—2020» атанды

MTK Global промоутерлік компаниясы өзінің 2020 жылғы үздік боксшыларын анықтады.

Дауыс беру нәтижесі бойынша «Ең үздік шетелдік боксшы» атағын
WBC титулы бар Тұрсынбай Құлахмет жеңіп алды.

Құлахмет 2019 жылғы Азия чемпионы және осы жылы Қазақстан құрамасының атынан қатысып, әлем чемпионатында қола жүлдегер атанған болатын.

Кәсіби бокста алғашқы жекпе-жегі жазда өтті. Екінші кездесуінде қарсыласы Маклей Макгоуэнді жеңіп, WBC International белбеуін иеленді.