Головкин бес жылда алғаш «Жыл боксшысы» атағын иелене алмады » Vesti.kz

Былтыр WBN сыйлығын карьерасында төртінші рет Геннадий Головкин алған болатын, алайда, биыл қазақстандық үміткерлер тізімінде де болмай шықты. Осылайша, GGG 2013 жылдан бері бұл тізімге алғаш ілінбей отыр. 

WBN биыл «Жыл боксшысы» атағына таласатын басты үміткерлер украиналық Василий Ломаченко мен мексикалық Сауль «Канело» Альварес екенін атап отыр. Бұл тізімде ары қарай Александр Усик, Майки Гарсия, Тайсон Фьюри, Деонтей Уайлдер, Теренс Кроуфорд, Наоя Иноуэ, Мэнни Пакьяо, Александр Гвоздик, Каллум Смит және тағы бірқатар боксшы бар. 

WBN сыйы үшін үміткерлердің толық тізімі 2 қаңтарда белгілі болады. Ал дауыс беру 18 қаңтарға дейін өтеді.

Еске салайық, Головкин WBN сыйын 2013, 2014 және 2015 жылдары иеленді, ал 2016 жылы қазақстандықтың үстемдігін Ломаченко үзді. Бір жылдан кейін Головкин украиндыққа өзіндік бір қарымта жасады.