Геннадий Головкин салмағында тағы допинг дауы туды » Vesti.kz
WBC чемпиондары мен белбеуге үміткерлердің барлығын VADA (Допингке еркін тестілеу қауымдастығы) «Таза бокс» бағдарламасы бойынша тексереді.
«Джермалл Чарло егізі Джермелл Чарло екеуі WBC бағдарламасы бойынша VADA-ның өткен айдағы тексерісін өткізіп алғанын мойындады. Ол өзге бір бұзық ой болмағанын айтады, себеп — жарнамалық міндеттерге байланысты қалада болмауы», — деп жазыпты Бенсон твиттер желісінде.
Осыдан кейін Бенсон WBC ұйымының бұл жағдайға байланысты қандай шара қолданғаннын хабарлады.
«WBC Джермалл мен Джермелл Чарлоларға өткен айда VADA тестін өткізіп алғаны үшін айыппұл салды. Боксшылар VADA-ны үнемі қайда екендері туралы хабардар етуі қажет. WBC бұл үшін келесі жылдан бастап жазаны қатаңдататынына сендірді», — дейді ол.
WBС тәртіптік ресми регламентінің 4.6-бабында допинг-тестті өткізіп алғаны үшін боксшыны немесе оның команда өкілдерін қалай жазалайтынын ұйым өзі шешетіні айтылған. Жаза түрлеріне — айыппұл, рейтингтен шығарып тастау, уақытша шеттеу, чемпиондық белбеуден және үміткерліктен айыру көрсетілген.
Мұның алдында WBC уақытша чемпион Чарлоны ұйым рейтингінде бірінші тұрған қазақстандық Геннадий Головкинмен (38-1-1, 34 КО) жұдырықтасуға міндеттеген болатын.
