«Бізде оған ақша бар». «Канелоның» телесеріктесі Головкинге қызығушылығын түсіндірді

0
95
DAZN cтриминг қызметінің аға вице-президенті Джо Марковски орта салмақта бұрынғы әлем чемпионы Геннадий Головкинмен (38-1-1, 34 КО) келісімшарт жасауға неге қызығып отырғандарын түсіндірді.

Мұның алдында GGG промоутері Том Леффлер DAZN қазақстандыққа келісімшарт ұсынғанын хабарлаған. Мұның алдында мексикалық Сауль «Канело» Альварес осы телесеріктеспен рекордты 365 миллион долларға келісімшар жасасқан.

Сонымен қатар, ESPN телеарнасы да Головкинге қызығушылық танытты. Леффлердің сөзінше, боксшы жыл соңына дейін таңдау жасауы керек.

ESPN мәліметінше, DAZN қызығушылығы «Канело» және Головкин арасында үшінші жекпе-жек ұйымдастыруға ұмтылысында. Боксшылар екі рет жұдырықтасқан: 2017 және 2018 жылы Лас-Вегастағы T-Mobile аренасында. Қарымтада қазақстандық төрешілер шешімі бойынша жеңіліп, орта салмақта WBC, WBA (Super) және IBO чемпионы атағынан айырылды.

«DAZN жоспары – үлкен жекпе-жектер ұймдастыру. Golden Boy және «Канеломен» келісім – осы бағыттағы үлкен қадам. Бізге атақты боксшы керек болды және «Канело» біздің мақсатымыздың бастауы. Головкин де тыс қалмады. Қазір келісім жүргізіп жатырмыз. Біздің платформаға үлкен жекпе-жектер қажет. Ал Головкин ұшар шыңында тұр. Бізде бұған қаржы бар, бірақ, ол шексіз емес», – дейді Марковски.