«Барселона» Неймарды қайтаруға кірісті » Vesti.kz
Каталондық «Барселона» Бразилия құрамасы мен ПСЖ шабуылшысы Неймарды қайтаруға бел байлады, — деп хабарлайды Goal.com.
Мәлімет көзінің ақпаратынша, каталондықтар футболшының өкілдерімен байланысқа шығып, Неймардың өзі келісімге бастамашы болу керегін айтқан.
Неймар «Реалға» өтудің басты шартын атады
Еске салайық, Неймар «Барселонадан» 2017 жылы ПСЖ-ға ауысқан, ал оның трансферлік құны 222 миллион еуро болды. Өткен маусымда ол париждіктер үшін 30 матч өткізіп, 28 гол салды.
Мұның алдында Неймар ПСЖ-ға ауысқанына өкініп, бірнше рет «Барселона» басшылығына өзін қайтаруын өтінігені хабарланған. Каталондықтар сапында ол 2013 және 2017 жылдар аралығы ойнаған.
