Бапкер Головкин есімі арқылы танылып жүрген боксшылардың айыбын бетіне басты

0
85
Орта салмақтың бұрынғы көшбасшысы қазақстандық Геннадий Головкин (38-1-1, 34 КО) мексикалық Сауль «Канело» Альварестен (50-1-2, 34 КО) жеңілгеннен кейін көрінбей кетті. Дегенмен боксшының есімі ел аузынан түскен жоқ және бірден бірнеше боксшы онымен жұдырықтасуға ынта білдірді.

GGG бапкері Абель Санчестің сөзінше, Голвкин рингке тек келесі жылы шығады, ал қазір басқа боксшылар оның атын пайдаланып өздерін жарнамалап жүр.

«Головкин қазір тынығып, бокстан демалып жатыр. 2019 жылдың басында оралады, сол кезде кіммен және қашан жұдырықтасатыны туралы шешім қабылданады. Боксшылар GGG-дің аты арқылы үлкен ойында қалып отыр… Осыдан маңызды тұлғаның кім екенін аңғаруға болады», – деп келтіреді Санчестің сөзін BoxingScene.com.

Промоутер Том Леффлер қазақстандықтың HBO арнасынан кеткеннен кейін телевизиялық келісімшарт бойынша істердің қалай жүріп жатқанын айтып берді.

«Қазір GGG үшін ең ұтымды келісім қарастырып жатырмыз. Қазастаннан енді ғана оралды, отбасымен бірге болды. Головкин онда ұлттық қаһарман және отандастарының бәрі оның әлем чемпионы болу керегін айтады. Головкиннің танымалдығы қазір бұрынғыдан артқан, ал жанкүйерлер оның оралуын тағаттана күтуде», – дейді ол.