«Алғашқы белбеу мен 10 раундты жекпе-жек». Менеджер Елеусіновтің карьерасындағы шешуші кезең жайлы

2019 жыл 27 жастағы қазақстандықтың карьерасында шешуші болады — жазда ол чемпиондық белбеу үшін жұдырықтасады деп жоспарланған. 

— Монакодағы жекпе-жек алдында Эдди Хирнмен тағы бір сегіз раундтық жекпе-жек өткізуге болатынын талқылағанбыз. Сонымен қатар, 10 раундты жекпе-жек өткізуге болатынына келістік, Данияр рейтингке кіру үшін. Ақпан немесе наурызда деп ойлап отырмыз. Бұл анық шешім емес әрине. Бұл шоудың бірі Лондонда, екіншісі — Нью-Йоркте өтеді. Әзірге ойластырып жатырмыз. 

Бәрін дұрыс жоспарлағымыз келеді. Барлығы жазға белгіленген шоуға байланысты. Жазда аймақтық титул үшін жұдырықтасады. Қандай ұйым екенін әлі білмейміз. Бағдарымыз осындай. Қаңтар не ақпанда жаздағы шоу туралы мәлімдеме жасармыз. 

— Монакода Данияр жарақатымен жұдырықтасты деген ақпарат бар?
— Бостонда жарақаттанған. Джон Дэвид Джексон сол үшін спаррингтерді кешірек бастады және біз қалаған сапрринг-серіктеспен емес. Жоғарлаған сайын спарринг-серіктес те мықтырақ болу керек. Бірақ Даниярды сақтап келеміз. 

Шынын айтқанда, Монакодағы қарсылас та басқа болу керек еді. Жекпе-жек алдында бапкер оң қол ауырса, сол жағымен көбірек жұдырықтасу керегін айтты. Жекпе-жекке дейін аурығаны басылмады. Бірақ бәрі де жақсы аяқталды. 

— Сонда жарақат болмаса, мықтырақ қарсылас таңдалар ма еді?
— Иә. Жақсы қарсыласты шақырмақ едік. Сонымен жұдырықтасуға дайындалмақ болатынбыз. Келесі қарсылас сол болады. 

— Титул үшін жекпе-жек қайда болады?
-Бұл туралы қаңтар-ақпанда Астанада мәлімдейміз. 

Еске салайық, жартылай орта салмақта жұдырықтасатын Данияр Елеусінов кәсіпқой рингтегі бесінші жекпе-жегін нокаутпен жеңді.