«22 нокаут». Жеңілмеген қазақстандық кәсіпқойдың келесі қарсыласы белгілі болды

0
72
Екінші орта салмақта жұдырықтасатын қазақстандық Нұрзат Сабыровтың (7-0, 6 КО) 24 қараша Квебекте жұдырықтасатын қарсыласы белгілі болды, – деп хабарлайды Vesti.kz.

24 жастағы қазақстандық 36 жастағы мексикалық Рокки Монтойя Почекомен (32 – 2, 22 КО) жұдырықтасады. Рокки карьерасында 32 жеңіске жеткен, оның жиырма екісі нокаутпен. Латынамерикалық тек екі рет қана жеңілген. Кәсіпқой боксқа 1997 жылы келген Монтойя чемпиондық атақ үшін бір рет қана жұдырықтасқан. WBC белбеуі тігілген жекпе-жекте ол отандасы Давид Лопестен (42-16-1, 24 КО) жеңілді.

Сонымен бірге, ол бірнеше салмақта жұдырықтасқан. Сабыровпен алдағы жекпе-жек екінші орта салмақта болады. Тағы бір айта кететіні монтойя Канадада алғаш рет жұдырықтасады. Ол жекпе-жектерінің көбін отанында, тек алтауын ғана АҚШ-та өткізген.

Сондай-ақ, бұл бокс кешінде тағы бір қазақстандық Садриддин Ахмедов (4-0, 4 КО) те мексикалық Жозе Франсиско Зунигамен (14-11-2, 5 КО) жұдырықтасады.

Екі боксшының да және Батыр Жүкембаев (14-0, 12 КО) пен Абылайхан Құсайновтың (9-0, 6 КО) ісін Eye of the Tiger Management компаниясы жүргізеді.