Қайрат Нұртас әйелін тележүргізушілікке пара беріп тұрғызған ба?

Қайрат Нұртастың келіншегі ұлттық арнадағы «Шаңырақ» бағдарламасының тізгінін ұстағалы Жұлдыз Әбдікәрімова жайлы әңгіме көбейген. Көпшіліктің «пара беріп, жүргізуші болды» деген сынына хитмен әншінің өзі жауап қайтарды.

Қайрат Нұртас әуел бастан әйелінің бағдарлама жүргізуіне қарсы болғанын ашып айтты.

«Негізі жұмысқа жібермегенбіз. «Қанша берсеңдер де, бармайды» дегенбіз. Мен қайтадан ол жұмыстан шығарып алуым да мүмкін. Ұсыныс тастағаннан кейін, барды. Көрсін дедік. Ал пара беру дегеннен Құдай сақтасын», — деп ағынан жарылды әнші.