«Оларға 20 доллардан төленген»: Григорий Лепс Қазақстан, Қырғызстан, Өзбекстанда концертінің неге тоқтатылғанын айтты

Ресейлік әнші Григорий Лепс Қазақстан, Қырғызстан және Өзбекстандағы концерттердің тоқтатылуына қатысты пікір білдірді. Бұл туралы Kznews.kz ақпарат агенттігі govoritmoskva.ru баслымына сілтеме жасап хабарлайды.

Ресей Федерациясының халық әртісі биліктің мұндай әрекеттері оны «алаңдатпайтынын» баса айтты.

«Енді Қазақстансыз, Қырғызстансыз және басқа елдерсіз қалай өмір сүремін?! Онда негізі көпшілік адам қалыпты. Тек кейбір оң мен солын ажыратпай, шектен шығатындары бар. Міне оларға 20 доллардан төленген. Сондықтан олар осындай әрекеттер жасауға барынша тырысқан. Жалпы маған бәрібір», — деп түсіндірді әнші.

Бұған дейін Өзбекстанда Григорий Лепстің концерті өтпей қалғаны белгілі болған еді. Кейін Қазақстан мен Қырғызстанда да қарсы шыққандар болды.